អន្តរជាតិ៖ ភាគីទាំងពីររួមមានប្រទេសរុស្សី​ និងប្រទេសអ៊ុយក្រែនបានបញ្ជាក់ថា ភាគីទាំងពីរបានធ្វើការដោះដូរអ្នកទោសក្នុងលក្ខណៈទ្រង់ទ្រាយធំមួយកាលពីថ្ងៃចន្ទម្សិលមិញនេះ ដែលរួមមានអ្នកទោសសង្គ្រាមរុស្ស៊ី ១០៦នាក់ត្រូវបានដោះលែងជាថ្នូរនឹងប្រជាជនអ៊ុយក្រែន ១០០នាក់។

នៅក្នុងការបង្ហោះសារតាមរយៈបណ្តាញសង្គម Telegram ជំនួយការប្រធានាធិបតីអ៊ុយក្រែនលោក Andriy Yermak បាននិយាយថា ជនជាតិអ៊ុយក្រែនដែលត្រូវបានដោះលែងត្រឡប់មកវិញនេះរួមមានអ្នកការពារទីក្រុង Mariupol និងរោងចក្រដែក Azovstal របស់ខ្លួនដែលត្រូវបានចាប់ខ្លួនតាំងពីខែកុម្ភៈ ឆ្នាំ២០២២ ពោលគឺតាំងពីខែដំបូងនៃសង្រ្គាមរវាងរុស្សី និងអ៊ុយក្រែនបានផ្ទុះឡើង។

ដោយឡែក រដ្ឋមន្រ្តីការពារជាតិរុស្សីវិញបាននិយាយថាអ្នកទោសរបស់ខ្លួនត្រូវបានដោះលែងបន្ទាប់ពីបញ្ចប់កិច្ចដំណើរការចរចាជាមួយអ៊ុយក្រែន។

គួរបញ្ជាក់ថា រុស្ស៊ី និងអ៊ុយក្រែនបានចូលរួមក្នុងការដោះដូរអ្នកទោសតាមកាលកំណត់ ចាប់តាំងពីការចាប់ផ្តើមនៃសង្រ្គាមក្នុងខែកុម្ភៈ ឆ្នាំ២០២២ ដែលស្ថិតក្នុងឧទាហរណ៍ដ៏កម្រមួយនៃការទាក់ទងគ្នាដោយផ្ទាល់រវាងសត្រូវ និងសត្រូវនៅលើសមរភូមិ៕